Google ADS

Zyrtare: Malcom i bashkohet Zenitit nga Barcelona

16:17 | 2 Gusht 2019
Arbresh Info

Zenit Saint Petersburgu ka finalizuar nënshkrimin me sulmuesin Malcom në një marrëveshje që besohet se prek shifrën prej 45 milionë euro.

Klubi rus thuhet të ketë finalizuar marrëveshjen për një tarifë fillestare prej 40 milionë euro – plus 5 milionë këste, transmeton portali arbresh.info.

22-vjeçari ka startuar në vetëm gjashtë ndeshje në La Liga qysh pas transferimit prej 41 milionë euro nga Bordeauxi te Barcelona ndërkohë që në të kaluarën është përfolur për kalim te Milani dhe Interi.

Braziliani ishte i vendosur për t’iu bashkuar Romas verën e kaluar nga klubi francez para se “Blaugranët” të reagonin duke rrëmbyer shërbimet e tij.

Raportohet se trajneri i Barcelonës, Ernesto Valverde, nuk ka dhënë dritën jeshile për transferimin e tij vitin e kaluar dhe lojtari nuk ishte pjesë e planeve në skuadrën e tij.

Ai ka nënshkruar një kontratë gjashtë vjeçare te Zeniti ku do të siguroj 5 milionë në sezon./arbresh.info/

https://twitter.com/FCBarcelona/status/1157283142987915264

Shpërndaje në rrjete sociale

Lajmet më të lexuara

Të ngjashme

Foto lajm